英格蘭領隊卡比路（左）發火，唔滿意英足總冇問過佢就禠奪泰利嘅隊長資格，卡帥認為泰利係隊內最好嘅中堅，所以佢唔理足總施壓，點都會選泰利去踢歐國盃！泰利冇得做隊長之後，好多人以為會由里奧費迪南（右）接任，但里奧話佢唔想做，可能驚人話佢借細佬件事過橋，乘人之危啩。英國有博彩公司開出下任隊長嘅賠率，暫時謝拉特最熱，得1.83倍。