老三陽在銅鑼灣繼續開花，但傳統店舖已寥寥可數，祁玉鳳嘆息:「係幾唏噓㗎，其實唔係無得做，而係因為地產（指租金）問題，越係老字號越係因為地產而經營唔到，好似醬園咁，都無咗啦。」
祁玉鳳續說，「家數得出嘅都係么鳳、恆香。」昔日「鄰居」已遷出羅素街，「以前嘅大上海（鐘錶珠寶）搬咗去波斯富街啦。」在老三陽工作了12年的陳先生，亦見證了羅素街變遷。「起初隔離賣拖鞋，轉咗幾次人，後嚟賣電話、找換店等。」老三陽細舖變大舖，陳先生說:「以前好迫㗎，家地方大咗，舒服啲。」
地方大了，自然要多請夥計。祁玉鳳慨嘆新力軍不濟，「家真係好難請年輕人，佢哋唔鍾意做辛苦嘢，最好坐Office有電腦玩，唔鍾意做啲污糟嘢，仲要企足12個鐘喎。」
然而，即使祁老闆請了80後、90後，也容易激得七竅生煙，「鍾意就話請假，失戀、唱通宵K乜都有，最好請啲中年、有家庭負擔嘅人。」
