歐陽靖（MCJin）去年2月與拍拖五年的女友Carol結婚，雖然去年底MCJin驚爆搭上紋身辣妹，但無損兩公婆感情，前晚MCJin到尖沙嘴出席春茗活動時，即場high到自爆將做爸爸，今年6月迎接「龍兒」的來臨。
歐陽靖、薛家燕、羽翹和鄭欣宜等前晚到尖沙嘴出席「家燕姐．開心一家春茗聚會」。29歲的MCJin即場rap歌賀家燕姐，更邊rap邊派利是，又興奮得自爆今年6月做爸爸，全場即時起哄恭賀這個龍爸爸。
返美國入產房直擊
MCJin去年2月與拍拖五年的女友Carol在美國結婚，由於太太居於美國，MCJin不時港美兩地飛。早前憑無綫劇《潛行狙擊》人氣急升的他，去年底驚爆搭上紋身辣妹Cody，雖然傳出婚外情，但無損他和太太的感情，原來兩人婚後積極造人，前晚MCJin終禁不住做爸爸的喜悅，現場自爆做老竇。
MCJin接受訪問時透露太太已懷孕5個月，他說：「上次佢嚟香港已經有咗BB，之前唔講係怕BB小器，加上老婆要求，所以要尊重佢，頭先high得滯，爆咗出嚟，不過得到太太批准，冇話刻意避，外父都話開心事可以講，照咗係仔嚟。」他自言本身是長子嫡孫，但屋企沒有給他傳宗接代的壓力，太太預產期是6月，不過他要拍劇到4月尾，完成手頭工作才可返美陪妻子待產，他自言到時會入產房全程直擊。
欣宜帶男友見秋官
此外，鄭欣宜表示今個農曆年和男友MarkRyan做了糖黐豆，更帶男友到父親鄭少秋家中玩啤牌，不過他們暫時未有計劃結婚。
採訪：胡比
攝影：陳俊強