最佳反擊，令批評者閉嘴，莫過如交出成績來！紐記足總盃負低組別白禮頓出局，返英超即越賣越冷下反底成功，追多鋪只因發覺佢哋嘅野心比大家預期大而已。蠱惑的波，不只英超，還有隊英冠超班馬韋斯咸；以今屆人腳計，回升英超冇太大難度，但班波唔易益捧場客；今天早場招呼倫敦死敵米禾爾，係時候再現真身，單W穩執兼攻起碼贏1球嘅波膽。
睇1月份添兵成績表，也略知英超部份球隊下半季部署心意；喺呢個經濟不景、審慎理財嘅大環境下，佢哋多鍾情「80後」左近嘅黃昏前鋒頂檔，貪呢班人跑慣江湖，唔易出蠱惑。昆仔救亡要緊，急急簽入施斯同森莫亞呢類見晒底嘅射手也難怪；熱刺願放走俄佬柏夫里約真高，關門前擸33歲嘅沙夏同膝患極嚴重嘅布力般中堅賴恩尼爾遜，擺明今季想走短線靠「經驗」圖後上染指英超。最好笑係曼城文帥，借得舊部、久疏戰陣嘅羅馬老兵大衛比沙路，佢哋驚死畀歐洲足協抽秤負債太勁，未來唔准參加歐洲賽，所以慳住使，但係都唔使求其到咁啩。
車仔同阿仙奴呢？睇走勢之差，起碼好大機會有一隊或以上踢唔到來屆歐聯，但係領隊有「吉士」，1月主要簽入「牛奶咀」為將來，車仔明日迎擊曼聯，班波最大問題青黃不接，今季難以長捧，明夜也難言信心伏魔。阿仙奴打極都係得一個尹佩斯識入波，好擔心佢頂唔到月中鬥A米；今晚兵工廠早場鬥小弟全季都睇得好死嘅布力般，賠率乏味，前者人腳漸齊，也充其量博玩吓大勝波膽。
今周重心，想玩番英冠。韋斯咸超班，走勢尤其作客卻極反覆，不會期望佢哋場場贏；但睇番1月買人策略極正面也夠絕，主要簽入同級球會布里斯托城同班士利嘅當打首席射手，以為來季回升作好部署。今晚超早場，返主場鬥百年死敵、兩年前碰頭也出現大規模球迷騷亂同群毆嘅米禾爾，應不會再玩嘢。對手勢弱似唔夠班來季留喺英冠，作客6戰不入波後上仗反底贏班士利；同睇布力般一樣，呢類球隊，小弟唔怕長捧佢哋對家，碰巧韋斯咸剛戰大敗勢必先做好防務，鋒力疲弱兼作客嘅米軍無運行了。
下次見報(11/2)
蘋果波神
今日重心推介
熱選
韋斯咸勝(1.55)
冷選
韋斯咸勝
2:0(7),3:1(12)