胡楓（修哥）將會喺紅館開騷，日前佢接受商台訪問，話有個契女畀錢買咗隧道口嘅廣告牌支持，契仔張學友亦傳短訊問候，修哥話：「佢叫我努力，如果有唔明，就要問吓佢呢啲前輩。」另一契仔黎明亦答應捧場，但修哥話好難安排晒所有契仔契女同台演出。講到同太太結婚50幾年，修哥話：「咁多年話冇誘惑就呃人，最緊要識返屋企。」