陳奐仁02年來香港發展音樂事業，至今已十年，本月24日他會首踏紅館舉行演唱會，他說：「紅館係一個標誌，好開心行咗第一步，邁向我嘅夢想。」
未夠班做老竇
在陳奐仁的音樂領域，他很感激三位大恩人，他說：「學友哥係第一個揀我嘅歌嚟唱嘅歌手，陳奕迅係第一個指定我做監製，幫我開咗做監製嘅事業，Sammi（鄭秀文）係第一個不斷帶我上舞台，Sammi聽到我開演唱會仲答應做嘉賓。」
入行以來陳奐仁看似事事順利，但其實也受過挫折：「由我20歲到家，有關陳奐仁出碟嘅反應都係，你啲歌可唔可以商業啲；不如你乖乖做監製，明白嘅，揀偶像派、靚仔始終易賣啲，所以冇hardfeeling。」早前被爆已婚的陳奐仁會否生BB？他說：「我爸爸係好好爸爸，但我未夠資格，等我學到我爸爸先。」
採訪：溫敏芝
攝影：陳順禎