曾經同台灣歌手陶喆傳過緋聞嘅岑潔儀，噚日喺將軍澳電視廣播城出席「二月星辰」活動，佢自爆3月會同拍拖一年嘅圈外馬來西亞籍男友喺巴峇島結婚，佢讚未婚夫事業有成但唔花心，問佢之前係咪覺得陶喆太花心？佢就話：「係！佢係花心，我同佢拍咗幾個月拖，佢都有一腳踏兩船。」問婚禮有冇請陶喆？佢話：「做乜通知佢？都冇聯絡。」