求驗客手記:摩帥選人冇港版亨利 - 求驗客

求驗客手記:摩帥選人冇港版亨利 - 求驗客

港足新帥摩力克上任後,話咁快今個月29日就要帶隊喺旺角場友賽中華台北。雖然港足名單要今日先正式公佈,但我求大俠收到風,得悉有9隊甲組隊有球員入選,且有唔少「驚喜」;驚嘅係傳聞首席華人射手、晨曦「港版亨利」鄭少偉意外落選,而喜嘅就係港隊新貴高梵、深水埗劉卓軒、港菁曾至孝等潛質小將入選27人初選集訓名單。
摩帥噚日偕足總CEO麥國棟首次與甲組隊會面,探訪地區球隊大埔後透露,港隊將於本月7日起逢周二操練,賽前兩日更會集宿訓練。麥國棟透露,未來10日將會有關賽事嘅推廣同門票推出;嚟緊下禮拜亦會繼續拜訪屯門、晨曦等甲組會,聽取更多意見,改善本地波。