陳柏宇噚日去商台宣傳新派台歌《命案》，呢首歌一改以往鄰家男孩形像，佢話：「呢首歌講每個人都有黑暗嘅一面，我想法好樂觀，盡量唔畀自己黑暗出現。」問佢黑暗一面係乜？佢話：「我成日驚如果突然爆發，可能爆到又癲又喪。我覺得同人打交會打死人，我就盡量唔打交。平時發脾氣試過打爛嘢，細個嗰啲拳頭交，都只係㩒住唔俾人郁。」