成也纜車，敗也纜車！靠纜車帶旺人流的昂坪市集，繼07年6月11日發生纜車墮山意外停駛逾半年後，今次又停駛兩個月更換啤鈴，首當其衝的市集商戶無不「啤啤聲」，直指被昂坪360「玩死」，損失慘重一殼眼淚。
茶莊一日不足十客
有商戶稱大年初三意外至今，昂坪市集人流稀疏，部份商戶挨住門邊，對着無人的空街愁眉深鎖。其中一間在市集開業僅三個月的茶莊，姓凌經理指，事故後人流急跌八成，生意額由五位數字跌至三位數字，前日悶極之際點算進入店舖的顧客，全日人數不足10人，「簽咗幾年約都唔知點算？」
對昂坪360董事總經理邵信明在記者會上說市集商戶是合作夥伴，希望可以共度時艱，卻隻字不提賠償問題，有商戶怒罵：「叫佢嚟捱吓，講得咁口響。」他稱，昂坪360最少也要免租兩個月給商戶，並提供穿梭巴士接載遊客到市集，增加人流。
《蘋果》記者