【本報訊】三名廉署調查人員涉嫌誘證人作假口供一案續審，庭上播放證人偷偷錄下跟廉署的對話，內容顯示廉署人員向證人聲稱「絕對唔係教你俾假口供」，純粹是給他支持和給他心理準備，讓他知曉作供的權利、義務及作供範圍，企圖令證人相信他們並非教其作假口供。
「其實你有有利子彈」
其中一名被告，總調查主任曹永年更被錄到他提醒控方證人張青浩：「唔好低估辯方啲卑鄙嘢，有可能生安白造，總之條公式就係話你故意講假嘢，你同執法機關有秘密協議，你作供對被告不利，同你有關係嘅人就會冇事。」次被告高級調查主任陳啟鴻亦插口指：「其實你有有利子彈，你俾口供時都唔知廉署會唔會告你，但已經坦白交代參與搓窩輪嘅事。」他叫張「被兇、被嚇」時以此理由證明並無跟廉署訂任何協議。
張曾私下向陳投訴，曹硬要他解釋家人對案件是否知情，張指家人「乜都唔知，呢個係事實，我唔覺得有問題」，但陳解釋辯方會無限擴張，「少少嘢大造文章」，叫張作好準備。他又提醒張「狀態要好，唔好俾人篤正個死穴散晒，到時O晒嘴」。
案件編號：DCCC360/11