農曆年期間Twins分道揚鑣各自放假，鍾欣桐（阿嬌）隻身飛到加拿大探導演劉鎮偉，至於蔡卓妍（阿Sa）則和男友陳偉霆到蘇梅島享受二人世界。前晚兩人復工錄影《勁歌金曲》，曬黑了的阿Sa直認玩到唔想復工。
蔡卓妍和鍾欣桐、官恩娜（Ella）和敖嘉年等，前晚到電視城錄影《勁歌金曲》，當晚是Twins放完農曆年假後首度復工，阿Sa和阿嬌即場大派利是。阿嬌在農曆年假飛到加拿大探導演劉鎮偉，至於阿Sa則跟男友陳偉霆（William）到蘇梅島大嘆熱辣辣的5天假期，日日享受陽光與海灘，當晚見她曬黑不少，跟白雪雪的阿嬌對比很大。
供樓證明能力高
阿Sa談到蘇梅之旅依然興奮，她坦言：「5日真係唔夠呀，好唔想返嚟，喺嗰度日日就係出海玩浮潛，朝朝7點起身，玩完真係攰過返工，不過真係好開心。」但阿Sa為防曬得太黑和曬傷，每10分鐘便補搽防曬，不過記者指她比之前依然曬黑不少，阿Sa笑說：「你哋見到William，就知我啲防曬係幾咁有用。」另外同公司的容祖兒被指供樓孭數二億，同是小富婆的阿Sa表示：「係人都要供樓，人人都孭數，呢啲係工作動力，咁先證明你有能力，祖兒都有咁大個頭戴咁大頂帽。」阿嬌聞言笑稱自己的頭是最細的一個。
Ella唔怕見舊愛
另外，Ella近日拍無綫劇《雷霆掃毒》，經常在電視城開工，會否擔心遇見舊愛吳卓羲？Ella自言只會一心一意投入工作，見面亦會打招呼。但男友會否擔心她見舊愛？Ella即向男友派定心丸：「驚乜喎，對得住天地良心，乜都唔驚，其實男友唔係好理我做嘢方面啲事。」她又透露在劇中跟男主角林峯沒有親熱戲，一切交由徐子珊負責。
採訪：卓寶花 攝影：黃文偉
