今次John的爭產風波，要先從家族背景說起。John的外公育有12名子女，他母親是么女，除夭折的11姨外，全個家族僅John的母親和十舅父有兒女。七姨笑說︰「整個家族好似被人落咗詛咒咁！」
七姨確信六姊有遺囑
10兄弟姊妹中，只有3人結婚，當年幼妹誕下阿John時，隨即成為「全家之寶」，「可惜阿妹喺阿John一歲時就死咗，老公又走咗佬。」姊妹們怕孩子學壞均小心保護，「所以佢咁耐都無乜知心朋友，亦無乜參與課外活動……。」
誰知，以前經營洋行的五姨，負責收外國衣服訂單再找本地工廠造衫交貨，公司全盛時期賺得逾5,000多萬元，至九七年才結業。兩年多前五姨病逝，遺下約2,000萬元存款。「當時十舅父想做遺產承辦人，但『阿媽阿姨』（John對六姨稱呼）信唔過佢，所以就搶嚟做。」
原先六姨計劃是把2,000萬元平分四份（其餘六兄弟姊妹已身故），每人各得500萬元，「但十舅父話唔應該分咁少，於是兩邊都開始搵律師。」半年前六姨改為四姊弟共同承辦遺產，但十舅父一直用拖字訣，阿John說：「佢諗住其他人年紀大身體差，一個唔好彩走多一個就可以分多一份！」
結果77歲的六姨亦於去年12月過身，其後阿John發現她的遺物中留有遺囑，將所有資產留給最痛愛的他，「但十舅父唔認呢份遺囑，因為只要遺囑無效，每個人最少分多200幾萬！」但七姨確信六姨遺囑是真的，「我知阿姐有寫（遺囑）！五姊死咗之後，我覺得佢（十弟）唔可靠，所以自己寫咗一份，啲錢會留畀阿John。之後阿姐話佢都會寫，亦都同我講過內容。」她更肯定是六姨手筆。
記者找十舅父訪問，相信是十舅母的女子向記者稱，所有事交給律師處理，不作回應。
《蘋果》記者