紅遍中港台嘅台灣女子組合S.H.E，三人中以Selina率先跑出，去年下嫁張承中，日前另一成員Ella亦喺微博宣佈今年5月做人妻，家獨欠田馥甄（Hebe）仍然未有着落，不過Hebe之前成日傳出斷背傳聞，仲同張惠妹個執行經紀鍾若函傳過緋聞，搞到佢嘅性向成謎。
「我愛蕾絲」
前晚Hebe喺微博轉載一張日前為雜誌拍嘅照片，照片中佢穿上白色蕾絲服，甫士相當誘人，佢仲寫上「我愛蕾絲」。由於喺台灣會稱女同性戀者為蕾絲邊，所以唔少網友即時議論紛紛，仲即時留言話「這是雙關語嗎」、「只是聽別人說，我很震驚，以後我就明白了」、「我知道妳是蕾絲」等。
捍衛偶像
Hebe粉絲眼見網友的留言，不甘心偶像被抹黑，即時捍衛話：「別再造謠抹黑」、「不是Hebe歌迷滾出去」、「這裏有人在邪惡」等，隨即引發兩幫網友罵戰。