已經8年冇開個唱嘅張德蘭，本月17、18號會喺伊館舉行「當張德蘭遇上顧嘉煇」演唱會，門票好搶手，噚日主辦單位新娛老闆丘亞葵開記招宣佈加開19號一場，共演三場，德蘭老公即應屆粵曲發展基金主席楊偉誠仲突然現身支持，大家提議邀請汪明荃、王愛明同欣宜代表媽咪肥姐重組四朵金花上台，德蘭話佢都好想，不過要睇吓大家檔期。