Angelababy由模界踩入演藝圈，去年接拍多套電影，近日再度與台灣型男趙又廷合演愛情片《第一次》，當中有親熱咀戲，Baby坦言拍咀戲也有底線，騎呢男一概免問。是否先要得到男友黃曉明批准？Baby謂雙方皆公私分明。
繼《痞子英雄》之後，Angelababy近日再和趙又廷合作演出愛情片《第一次》，再次合作，兩人自然默契十足，原來Baby初次見到趙又廷時，男方表現甚cool，但今次再合作感覺又完全不同，Baby大讚他其實是很風趣的人，兼且很有演戲天份。
提曉明甜晒
Baby和趙又廷在戲中扮演一對，當然少不了親熱鏡頭，拍一場咀戲NG了六、七次，Baby日前在銅鑼灣接受訪問時笑說：「佢都唔知係咪畀咗乜嘢好處畀導演。」除了咀戲，Baby在戲中更奉獻了第一次，至於是甚麼，她大賣關子保持神秘。
提到咀戲，Baby表示趙又廷事前有刷牙做好準備，自己也有吃薄荷糖。之前Baby拍戲時曾跟井柏然咀嘴，問到兩位型男那個較好咀？Baby即有點尷尬說：「各有千秋啦。」有否那個男星最想合作拍咀戲？Baby表示沒有，只要劇本需要，對手又信得過便沒有問題，不過她也有底線：「咁當然太騎呢嘅對手就唔得。」拍親熱戲前會否先要得到男友黃曉明批准？Baby甜絲絲說：「大家對於工作同生活都係分得好清楚嘅人。」
買獨立大屋
去年又拍戲又拍廣告，兼開餐廳做老闆娘，豬籠入水，Baby坦言希望今年可以達到置業大計：「家住緊嗰度係租，我好想買咗佢，下個目標就係買一間house。」
雖然Baby是模特兒出身，但她坦言今年會減少model工作，叠埋心水專心做藝人，希望令自己有更好的表現。
採訪、攝影：麥佩儀