資深女歌手露雲娜的父親前日在醫院病逝，終年89歲，她馬上在facebook留言悼念亡父。露雲娜表示爸爸生前是虔誠天主教徒，故他的葬禮將採用有關儀式進行。
露雲娜指父親近年身體多毛病，不時要進出醫院，至前日上午他在睡夢中安詳離開，露雲娜昨日在電話中表示遺憾：「可惜我送唔到爸爸最後一程，但都慶幸爸爸瞓住覺離開，一啲痛苦都冇就返咗天國。」
家教甚嚴
問到其父生前可有甚麼遺願交托？露雲娜說：「爸爸同媽咪結咗婚66年，佢最擔心係媽咪，我哋會好好照顧媽咪。」
露雲娜回想自幼爸爸已要求十分嚴格，她說：「記得我哋細細個好想去宿營，但爸爸唔想我哋喺出面過夜，直至我自己做咗人哋媽咪先明白，養子方知父母恩嘅道理，真係冇講錯。」
採訪：比華利