性格火爆的黃秋生前晚風塵僕僕現身機場，原來其80歲母親前日中風入院，所以身在內地拍劇《楚漢爭雄》的秋生即漏夜趕回港探望母親。
據知前日早上秋生收到家人電話指母親突然中風入院，一向愛錫母親的秋生即向劇組請假，前晚他說：「平日有工人睇住佢，不過老人家平時都有中風，係習慣性，但過年嘛，都唔拍戲住，趕返香港睇佢先。」秋生從機場離開後即趕到灣仔律敦治醫院探望母親。
冇得抵制微博
日前秋生在網上直斥罵香港人是狗的北大教授孔慶東是白癡，更在微博與孔的支持者展開罵戰，前晚秋生說：「其實得幾個人講，自己唔在意，啲人肯入戲院睇正版先講，微博係講娛樂事，有人同意有人唔同意，冇得抵制。」
採訪、攝影：王連連