陳山聰得賭王三房長女何超雲助陣，情侶出騷價勁跳到20萬。賭王三太陳婉珍恐怕女兒被指貼仔，昨日出席活動時，強調超雲和山聰財政獨立，合作可以，打本免問，更表明自己三房的生意，暫不需要山聰幫手打點。
賭王何鴻燊三太陳婉珍昨日出席東華團拜，往常總有女兒超雲、超蓮等助陣，但昨日則一個都沒到。三太新年留港和賭王與女兒等一起過，只有兒子何猷啟在英國。
賭王贏三家
三太說：「山聰初二都有嚟，佢帶咗盒十三么曲奇畀我哋，冇食，淨係睇，睇好過食。」她謂新年和賭王打牌，三娘教子，但被賭王反勝：「我同我阿嫂、家姐同佢打，佢好利害，一家贏三家㖭。」
新年人多熱鬧，問可想超雲快快派利是，三太說：「佢哋自己識諗，想結婚時會話我聽。」山聰得超雲相助，出騷價跳升到八萬，情侶價更升到二十萬，三太說：「唔知喎呢啲。」山聰隨時成為何家女婿，三太可想山聰入公司幫她手？三太聞言諗一諗說：「暫時我都處理到，唔使幫手。」
聞打本反感
有指超雲和山聰合作搞生意，三太表示沒問題：「佢哋鍾意，我都會支持。」但一提到由超雲打本給山聰搞男裝，三太就有點反感，她更強調：「我唔知佢哋有乜計劃，佢哋不嬲都係財政獨立嘅。」至於有指她下令山聰減肥，三太則直指山聰肥了不少，但笑言自己更要減肥。
二房長女何超瓊近日與俞琤甜蜜歐遊，三太聞言笑笑說：「我嘅嘢，我自己會答，人哋嘅就唔講喇。」採訪、攝影：盧妹
