童星出身的黃美棋，當年演出過不少劇集如亞視《我和殭屍有個約會》以及在周星馳電影《行運一條龍》中扮演到茶餐廳買蛋撻的小芬女，令人印象深刻。現年22歲的黃美棋在美國完成大學課程後，近年回流香港做OL，已變成索女的她早前拍攝一段宅男短片，甚受網友歡迎，點擊率極高，結果近日被王維基睇中招攬加入旗下免費電視台，再現螢幕。
讀訓練班
昨日黃美棋被問到加盟王維基揸弗的電視台一事，她表示很開心獲賞識，為了全情投入，黃美棋已辭去OL工作，下星期將入讀王維基電視台所開設的訓練班，她說：「雖然細個都演過戲，但自己冇讀過任何有關演戲嘅課程，所以我想接受正統訓練，咁先可以加強喺演戲方面嘅信心。」黃美棋屆時會十足學生一樣，由早到晚讀演藝課程，為將來打好基礎。採訪：丁寧