愛華頓周二主場爆冷擊敗曼城，比賽期間就出現小插曲，一名中年男球迷衝入球場，將自己反鎖喺門柱（圖），要勞煩保安開鎖，事件令比賽暫停近5分鐘。原來呢位46歲球迷，不滿航空公司嘅招聘政策，令佢個女面試失敗，曼城嘅贊助都係航空公司，好可惜呢場輸波，唔係曼城都可以考慮吓安排佢個女去面試。