正所謂親疏有別，親生仔跟非親生仔的待遇有幾唔同？無綫經常作最佳示範。繼佘詩曼和林保怡的《天與地》被安排在炮灰檔播映後，過氣無綫親生仔女宣萱和馬德鐘主演的《飛虎》，將創新猷安排在周六、日晚上播映。馬德鐘已簽約效力王維基，宣萱則一早離巢無綫，有機會跟王維基合作，這次無綫另闢劇集時段「招呼」叛將，是剃人眼眉還是為他人造勢，還是未知之數。
昔日宣萱在無綫穩坐一線花旦位置，去年1月夥拍擅長演紀律部隊人員的馬德鐘主演無綫劇《飛虎》，還有大隻仔羅仲謙在劇中晒肌肉，令此劇頗有睇頭，可惜宣萱早就離巢，馬德鐘也已簽約王維基有份投資的經理人公司，因而被標籤為「叛將」，從此命運就跟親生仔女不一樣，他們主演的《飛虎》，據知稍後將安排在周六、日播映。
破天荒周六日播
以往無綫周六、日只會播映外購劇，今次破天荒播映自製劇，看似是創新猷，但其實是將叛將拍落的劇集「清貨」。大概是王維基的免費電視台現正蓄勢待發，全力準備待牌照發出後即在下月開台，無綫似要在王維基免費電視台開台之前，將與對方有關係的小生花旦作品，匆匆「疏散」下架，免為他人造勢。
不過監製林志華昨日被問到此事時，否認與演員有關，他說：「唔關演員事，我哋舊年開拍時已經係諗住開闢呢個暫定叫『周末劇場』嘅時段，形式似外國劇集咁一集個半小時講一個案件，希望開闢新嘅劇集時段，畀自己同觀眾一個新嘗試。」劇集預計在暑假播映，因劇中有大量動作及危險場面，故預計9時後的時段才播放。
其實無綫冷待有機會跟王維基免費電視台合作的藝員早有前科，早前秦沛（Paul哥）女兒姜麗文已簽約王維基公司，在無綫主持多個音樂節目的哥哥姜文杰，以經理人身份陪同妹妹出席城市電訊的聯歡會後，即刻變成「非自己人」，不但未獲安排出席《十大勁歌金曲頒獎典禮》，他所有節目主持工作也被抽起，據知連Paul哥親自出馬為兒子求情都不得要領，Paul哥日前接受訪問時略帶不滿說：「佢只係陪個妹去派對啫，就算要更改合作形式或者停工作，都應該了解完，再事前幾日有通知吖，我同王維基係好好嘅朋友，如果我唔係開緊工，我都有可能去，咁係咪我嘅工作都要停埋呀？」
秦沛擬離開無綫
問到Paul哥約滿會留在無綫還是簽約王維基？Paul哥笑說：「唔使我諗啦，無綫都應該唔會搵我啦！」Paul哥不排除會跟王維基合作，他又讚王維基的電視台簽約後也可亮相其他電視台，自由度高，不過他現在仍會專業地替無綫繼續拍埋《女警愛作戰》。
至於宣萱，其實早在去年9月已有王維基的人接觸過她，宣萱的經理人Lydia說：「係有傾過，不過暫時未係適當時候合作，或者等佢哋發咗牌，有劇本、對手等具體嘢可以再傾，一日係朋友，一日都有拍拖機會。」
採訪：林妃
