福祿壽嘅阮兆祥、王祖藍同李思捷，大後日（4日）將會喺紅館舉行「那些年，爆笑不離三兄弟」騷，噚日祖藍喺微博宣布：「我哋將會效法歌神嘅愛心行動，請大家改送白米，我哋將會轉送食物銀行，幫助有需要嘅人，你嘅芳名將寫喺後台，謝謝！新年快樂！」原來佢哋學咗之前張學友咁，叫朋友將送花籃嘅錢用嚟買米捐畀有需要嘅人，搵錢之餘不忘行善，抵讚。