入行20年的梁炳梁漢文（Edmond）一連兩場「梁漢文2012BigMan」個唱，前晚於紅館順利結束，人緣甚佳的Edmond，繼邀得楊千嬅和陳奕迅（Eason）打頭陣做嘉賓後，前晚又請到許志安和鄭秀文（Sammi）獻上復合後的首次同台演出，兩人在台上含羞答答，甚有初戀感覺。
梁漢文的個唱前晚於紅館順利結束，不少圈中好友繼續捧場，包括Edmond嫂Karen、何韻詩父母、EricKwok和葉佩雯、徐濠縈、何超儀和陳子聰等，許志安和鄭秀文更為Edmond獻上復合後的首次同台演出。
蘇永康仆住撐
演出時大晒肌肉的Edmond，一度忘形地企近台邊噴煙花位置，幸好及時走避沒燒傷。Eason和謝霆鋒演唱會中段現身，Eason說：「多謝Edmond令成班朋友再聚，好似大陸仔（謝霆鋒），上次同台已經係10年前嘅事。」Eason續說：「一直當Edmond係前輩，佢報喜不報憂，但佢啲朋友會知佢唔開心，知佢經歷好多嘢。之前有同過其他唱片公司高層傾偈，佢哋話覺得Edmond麻麻，我聽完幾乎想同佢哋反面。」
演唱會的另一高潮，是復合後首度同台演出的安仔和Sammi，兩人一現身即惹來歡呼聲，他們與Edmond合唱《火熱動感LaLaLa》。Sammi全程避忌，甚少走近安仔，最後連樂隊都作弄他們，彈出《其實你心裏有沒有我》，Sammi笑稱要割蓆，安仔則唱了一句歌詞。演出後Sammi找不到出口，安仔示意她走到舞台中間升降台離開，兩人才走近，而蘇永康上台時不慎仆倒，爆全場。
攜妻旅行造人
演唱會在晚上約11時58分完場，要交6位數字罰款。Edmond在慶功宴上感謝好友支持，並說不知怎報答大家，接着Edmond會與太太到外地旅行，問他是否造人？他說：「點都好啦，想去旅行輕鬆吓。」問今次是否費盡唇舌邀請安仔和Sammi同台？Edmond說：「我喺開騷前幾個月問，佢哋好casual，一口應承。」
另外，Eason父親陳裘大昨在紅磡國際郵件中心出現，他背着黑色袋，並將一封信交給門口保安就匆匆離開。
採訪、攝影：王連連、盧妹、黃偉雄
