前亞姐黎淑賢上周三年初三剖腹誕下逾8磅龍仔Martinus，前日母子已離開醫院回家休息，跟老公及兒子許溢團圓。黎淑賢昨日又再上載Martinus跟哥哥許溢的兄弟幫照片，任憑哥哥在身後雀躍大叫，弟弟都懶理熟睡床中，許溢升呢做哥哥，難掩心情興奮，忙於湊B的黎淑賢更寫道：「我的非人生活正式開始。」黎淑賢昨日在電話中說：「開始湊B真係人都癲，佢話食就食，話瞓就瞓，我要就晒佢，家我係BB嘅人肉奶樽，好彩哥哥好合作，佢做我阿四幫手照顧細佬。」
盼老公送女
問到再添丁老公許智政可有獎賞，黎淑賢笑言：「叫佢獎個女畀我，不過暫時唔生住。」許智政非常識做，早已買了大量花膠和冬蟲草給老婆坐月補身。
採訪：比華利