馬國明和何傲兒昨在油塘出席新年活動，有報道指馬國明飛起拜金女胡定欣，早前定欣已搬離馬國明的太古城寓所，對此馬國明說：「據我所知，定欣之前有親戚住喺附近，最近佢親戚搬咗，定欣一直同媽咪住。多謝本雜誌，成日話我飛佢，都冇話過佢飛我。」問二人感情狀況如何？馬國明說：「我哋嘅戀情源於佢搬嚟我屋企附近而起，唔知隨住佢搬走會唔會完結？」他亦不覺得定欣是拜金一族。
傲兒恨買車
另外，傲兒大談新一年大計：「趁後生要搏啲，今年會好努力搵錢，目標係買車買樓，家開工要爸爸接送，始終自己揸車方便啲。」傲兒亦好恨拍拖：「屋企有買桃花，我用暖水敷住樹枝，等佢開得靚啲，希望有人緣兼姻緣。」
採訪、攝影：卓寶花