本地設計師何志恩（Johanna）去年與不少單位合作，多了一個交叉女王稱號。問到已有兩女的她會否追龍仔，Johanna笑言兩個夠晒數。事業上，Johanna卻會在龍年添丁發財，BB將是她首次在港開設的時裝店，希望三年抱多，生支足球隊。
本地時裝設計師何志恩與日裔夫婿打本雄輝、兩名女兒Natasha及Katrina今年新年留港度歲，休息一番。早前她為商場設計比利時傳奇卡通人物TinTin的中國新年服，更與兩位活潑小TinTin玩樂。
湊女如坐監
問Johanna今年是否有意添丁，她即狂笑：「唔輪到我，順其自然，見到佢哋兩個（指同場的女兒）都怕。」工作狂的Johanna透露新年會有三、四日假期，她說：「啲女放假等於我坐監，所以新年會盡量喺香港過，休息吓，因為平時香港多人多車，難得新年先會靜吓，我都會帶佢哋返阿媽度拜年，同埋一定帶佢哋去契媽、契爺（徐濠縈及陳奕迅）度團拜。」
盼搵到好舖
鬼妹仔的Johanna表示大女Natasha已漸漸學懂中國習俗：「個女返學有農曆年派對，知道有揮春嗰啲習俗，返到屋企仲話要將聖誕樹掛揮春，同埋話要行花市。」Johanna不願添丁，龍年也有新寶寶出世，因為她年中會在尖沙嘴開舖：「過去一年，我成日同唔同單位合作，啲人叫我交叉女王，自己終於喺香港開舖，希望會遇到有良心嘅業主，更希望呢個龍年BB快高長大，三年抱兩，最好生支足球隊，散播多啲種子。」採訪：梁錦雯攝影：陳志嵐
場地提供：Elements圓方