許冠文噚日接受商台訪問，宣傳佢即將舉行嘅棟篤笑，講到今年農曆年少咗細佬許冠英，許冠文話今年大家好有默契，幾兄弟點都就時間一齊食飯。許冠文話最近有檢討過去錫阿英嘅方式，自己好似阿爸咁好少讚佢，但阿英係要讚先有用。問到許冠傑家心情點？許冠文話：「佢好錫阿英，復原時間比我哋長，慢慢會返嚟㗎喇。」