曼城前鋒巴洛迪利（小圖）唔單止「腦殘」，仲食得好大膽㖭！喺舊年11月巴洛迪利被踢爆趁女友拉費娜返咗意大利做嘢，搭上32FF巨乳四仔女星荷莉（圖），完全唔介意33歲嘅荷莉大佢12年。原來，巴洛迪利同荷莉仲係藕斷絲連，不時有電話同埋SMS來往。荷莉日前更將巴洛迪利send俾佢嘅三級SMS，攞俾英國小報《每日星報》睇，巴洛迪利喺SMS度向荷莉建議：「不如我哋當街野戰！」仲要加個開心表情符號:D。當荷莉話好嘅時候，佢仲回應咗個直豎拇指嘅表情符號。適逢荷莉最近喺曼徹斯特拍片，巴洛迪利仲直踩片場探班，唔通佢真係想喺片場同荷莉「野餐」？