鄭欣宜、連詩雅、許廷鏗及泳兒昨到維園出席宣傳馬拉松活動，欣宜指外籍男友Mark今年會繼續參加賽事，問會否一起參賽？欣宜說：「唔會，不過我每年都會去打氣，平時會陪佢行山，佢游水都好叻，玩過三項鐵人賽，不過呢排食嘢唔係好健康。」
對於日前有報道指欣宜與Mark當街耍花槍，欣宜表示：「係12月嘅事，陳年舊罐頭，好少同佢有拗撬，嗰時係慶祝5周年，化晒妝有人影，自己憎走先。」欣宜透露農曆年帶了Mark向父親鄭少秋拜年：「好開心，爹哋有落場玩啤牌，Mark仲喺棵小桃花附近爬地繞咗一圈。」另外，連詩雅說會與商台DJ細So及徐濠縈參加比賽。
採訪、攝影：林嘉慈