鍾欣桐（阿嬌）同胡歌噚日先後喺香港機場出現，戴住副小雲眼鏡兼冇化妝嘅阿嬌，見到咁多記者在場都覺得好愕然，佢話啱啱喺加拿大返嚟香港，佢仲話：「我一個人飛過去探劉鎮偉導演，都喺嗰邊逗留咗幾日，得閒咪行吓街同打吓麻雀，我仲贏咗錢㖭。」至於胡歌就係專登由上海嚟香港，話同容祖兒一齊拍電影海報喎，今日走會走。