史高斯（右）神奇復出，搞到班曼聯擁躉好興奮，不過另一中場費查（左）因為慢性腸道病復出無期，就令紅魔鬼球迷好失落。好彩費查都冇自暴自棄，呢排仲頂咗史高斯喺預備組助教個位嚟做，上周三巴塞對皇馬嘅西盃大戰，費查一邊睇直播一邊做筆記，為未來做教練或領隊打好基礎，27歲嘅費查咁好學，絕對值得一讚。