今個新年，李克勤不用開工，可與家人熱熱鬧鬧過節。他會教兩個兒子一般新年習俗，凡見到人要說恭喜發財、新年穿新衣等：「其實我哋一家都幾傳統，初一會去爸爸媽媽、外父外母屋企拜年，至於初一唔好洗頭呢啲就唔得喇，連我都冇跟，唔洗頭會頭痕。」
克勤還自爆小時候百厭一面：「每年都入廚房幫媽媽整糕、炸角仔，但有時收唔到口，就算千叮萬囑都唔小心講錯嘢，死死聲，一講即俾人鬧。」
唔恨追龍女
好多藝人都搶閘生龍B，已為兩子之父的克勤不急於追女：「唔使喇！仲追？兼職多幾份都唔夠，養細路負擔好重。而且要花好多時間，如果生第三個，我怕時間分配唔到。我唔一定要有個女，我個仔大個咗，追人哋個女咪得囉！」採訪：王連連
攝影：林德雄
場地：港麗酒店