黃百鳴的天馬公司昨晚在灣仔君悅酒店筵開30圍舉行春茗，《八星抱喜》和《楊家將》兩片演員都有出席，腹大便便的陳慧琳（Kelly）說：「家七個月啦，個肚真係好巨大，我胃口仲好過我老公，家肥咗十幾磅，等小龍包出世後，我會叫佢追華仔個小龍女，等佢哋青梅竹馬，小龍包唔成功我會叫蝦餃仔頂上。」
《八星抱喜》連續三年輸給曾志偉監製的邵氏賀歲片《2012我愛HK喜上加囍》，昨晚黃百鳴說：「香港係輸，但我哋部戲喺內地好好收，已經累積7,000萬票房，過億冇問題，出年我一樣會拍賀歲片，有得鬥吓先好。」
君如否認嘉欣有喜
吳君如昨晚被問到前好友俞琤與何超瓊遊巴黎有甚麼感覺時，她回應說：「關我乜事！」對於有說其姊妹李嘉欣再有喜？她否認說：「噚日我去嘉欣屋企拜年，真係一啲都唔覺，應該唔係。」
採訪：胡比
攝影：黃偉雄
