【本報訊】「行山10年，第一次出事！」麥婦被困山澗一夜，凍到鼻頭通紅嘴唇發黑，直言﹕「凍咗成晚，好辛苦。」幸她十分鎮定，徹夜在溪澗大石上做運動驅寒，不致出現低溫症。脫險後第一件事，就是借手機致電家人報平安。
徹夜做運動保溫
麥表示，遇上「瞓低」的指示路牌後行上大帽山，之後知道行錯路折返。她想把握時間落山，便落溪涉水而行﹕「見大石就滑落去，見水潭就踩落去，成身濕晒。」幸好她帶多套衫，換去濕透的衫不致太冷，「喺大石上係咁做運動，唔好太低溫。我都係第一次行鉛鑛坳，以後會帶備乾糧同小心啲」。
麥婦迷路可謂一波三折，除被倒下的指示路牌玩殘外，原來她被困的山澗隔離亦有一條山澗，令消防「捉錯路」，所以遲遲未找到她。