足總盃去到第4圈，始終要承認時勢不同，財力分野極大、上流對中下流多數係唔同班嘅對賽格局。今次重心放喺今天足總盃尾場，望仍處升軌嘅紐卡素放低期望，南下打真軍攻陷英冠白禮頓，向盃賽錦標進發。
自視強隊，卻處無盃嘅日子有時真係幾難受。上年去到1月尾，阿仙奴還是氣勢如虹爭4盃，當時只係一個聯賽盃4強次回合，在主場3蛋掃走低一級嘅葉士域治，得以打入溫布萊決賽，已看得在場6萬擁躉如癡如醉。所以明白今季幾可注定再失落聯賽、甚至再一次不入前4踢不到來屆歐聯嘅利記；剛戰同樣在英聯盃4強，踢走志不在此、但又質素超群嘅曼城，再次闖進闊別十多年嘅溫布萊球場，令杜帥感動落淚係可以理解。去到球季中段過後，有利好消息冲喜一下，球員士氣尚可頂住。
紅軍硬拼後相隔3天，今早場大戰迎來以逸待勞嘅另一曼市球會紅魔鬼，莊家開出平手盤；若非他們已先撼曼城耗力，小弟必捧主隊，但仍信士氣及決心所在，多於憂他們體力無以為繼。紅軍無論高低潮，一向對曼聯呢位宿敵特別醒神，也先不要理會下周中作客狼隊嘅英超快車；其實能放低期望，爭盃仔更實際。歐霸未到，對家嘅曼聯也不怕約10天後重賽收多場門票及電視轉播豐厚收入，今場勢均力敵，直取和局。
另一重心熱捧紐記，上仗聯賽負神經刀富咸2:5，換來今場作客英冠中游分子白禮頓有1.95倍不俗客W賠率；季初看錯過，紐記踏入季中竟仍處升軌，原因除丹巴巴亞長有「士哥」外，賓艾化傷癒復出後優化進攻，幫輕法國同胞卡比耶嘅壓力也是主因。大喜仲有兩把塞內加爾尖刀丹巴巴亞同新加盟嘅柏比斯施斯，將可以極速從非洲歸隊，令今場仲有得落場嘅前鋒更要醒定了。
紐記正與利記、阿仙奴喺聯賽分數上混戰，但似頂多爭逐一個無聊嘅第5名取來屆歐霸盃席位居多；如能先放低下周中作客布力般的東北部聯賽打吡，全心強陣在今場攻堅，以看過白禮頓喺幾個月前迎利記輸1:2嘅聯賽盃，班波喺普耶領軍下踢法非太粗枝大葉，反有利紐記經歷上仗大敗後，做好防守，伺機反擊闖進下一圈。下次見報（1/2）
文：蘋果波神
今日
重心推介
熱選：紐卡素勝(1.95)
冷選：利物浦和(3.15)