布力般球員基斯杜化森巴雖然多人爭，不過佢嘅職業操守就認真麻麻，佢為咗快啲跳船竟開到口話唔會為布力般盡全力比賽！森巴接受英國《太陽報》訪問時仲以一對夫婦嘅關係嚟比喻佢喺布力般嘅情況：「如果一對夫婦合唔嚟，就梗係要離婚。好似我，就算我留喺布力般都唔可以百分百為球隊付出㗎啦！」