鼠王芬趁噚日大年初五，搞咗個「小芬去拜年」活動，有條龍同財神陪伴到旺角同大角嘴同班街坊拜年。八方本來以為就算冇現兜兜嘅利是，都應該會效法「蛇齋餅糉」嘅益街坊做法，點知一眾排晒隊等拜年嘅公公婆婆好失望，收到嘅只係鼠王芬卡片一張，同埋朱古力金幣一個，仲有一條疑似電話繩嘅賀年飾物，街坊收到，紛紛講聲：「真係多謝晒！」
鼠王芬辦事處噚晚發新聞稿，話落區拜年情況墟冚，十分多街坊支持咁話，去年中鼠王芬兩個議員辦事處畀人淋紅油，又被指得罪工聯會，今年競選連任個勢好危，不過踏入龍年佢似乎轉運，中聯辦對佢不離不棄，始終支持佢撐佢到底，相信佢坐多四年，無難度也。