人民力量黃毓民最近好惹火，有讀者向本報投訴，話上年底花園街大火後，毓民喺其中一個空置排檔擺放帳篷做聯絡處，但個帳篷擺滿雜物，擔心一旦起火會阻塞後面單幢樓嘅走火通道，於是搵食環署幫手，點知食環話嗰個位係公眾地方，不能票控，激到讀者一肚火！
八方噚日落去睇過，又真係有幾張膠凳同摺檯鎖喺個帳篷度，但附近檔主同街坊就唔覺得阻街，之但係個檔冇人看管，有咩事邊個負責？毓民回覆話佢身在外地唔方便回應，佢嘅議員助理符偉樂話個檔根本冇擺貨，幾張膠凳一啲都唔阻地方，對呢次投訴冇嘢好回應。食環署負責管理街頭擺賣及街道清掃工作，話因為有關檔口唔涉及擺賣，所以冇權管，但就會留意佢有冇搞好清潔喎。