浸大傳理學院院長趙心樹，月初做嘅特首參選人民意嘅「傳理調查」傳聞被唐營利用，搞到浸大一鑊粥。新聞系學生正籌錢喺報章登廣告倒趙心樹。而校長陳新滋都趁新年，發電郵同師生校友表達心聲。
浸大新聞系報紙《新報人》日前成立「（緊急）籌錢登報，追擊趙心樹！」的facebook群組，目標籌款4萬元，到報章登廣告追擊樹心，現時已籌約1.4萬元。
校長陳新滋趁在電郵中稱，會用嚴肅同審慎態度處理民調風波，強調尊重學術自由，捍衞學術研究獨立性。陳校長又用《憶江南》詞牌寫咗首《浸大好》，全文係咁嘅：「浸大好，大愛育全人，立業立言先立德，求真求美更求仁，興學是榮神。」八方覺得校長呢首詞好應景，似乎寄語趙心樹「立言」即調查結果公佈前，應先反醒下自己品德，學者追求真善美同時，更應該有仁義，對得住浸大。另外，負責調查民調風波嘅副校長黃偉國，噚日宣佈調查小組成員，分別係三個浸大教授趙其琨、李思名同朱力行，另有校友關偉，小組預計2月份內完成報告呈交校長。