張栢芝最近孭飛嘅電影票房都唔理想，成為票房毒藥，估唔到栢芝連電視收視都影響埋，上星期六（21日）年廿八，無綫喺晚上九點播出栢芝同古天樂主演嘅《我家有一隻河東獅》，點知一播嗰個幾鐘頭，平均收視只有19點（121萬），比上星期足足跌咗4點，跌幅比其他節目大，唔知栢芝呢股黑氣踏入咗龍年會唔會有啲改善。