樂基兒之前頻頻傳有喜，不過佢同黎明一直都冇證實喜訊，噚日黎明同兩個助手喺機場出現，黎明話自己喺杭州返來，但就唔見樂基兒同行，唔知佢哋係咪分開過年呢？現場唔見黎明班死忠師奶fans，反而就有十幾個後生粉絲接佢機，一向cool慣嘅黎明見到班粉絲都冇乜反應，記者問到佢飛咗幾多日時，仲即刻搭住記者個膊頭，講咗句新年快樂就走人。