近年銳意北上發展嘅田啟文（田雞），日前接受有線節目訪問，玄學家楊天命同主持劉明軒仲去到佢喺太古城嘅屋企睇風水，佢好老實咁話：「全部都係我老婆嘅主意，我只係租客，負責交租咋。」田雞乘機問吓楊師傅自己喺呢年嘅事業運，楊天命話佢條事業線生得靚，不過叮囑佢因為諗頭多唔專心，所以做生意應夾份做小股東。