【本報訊】有業主經中原地產放盤，單位開價300萬元，代理擅自降價20萬元，交予《置業家居》刊登的樓盤資料售價也標低。準買家受放盤報道影響被壓價。中原卻死口不認擅自降價，推諉責任指「降價」屬雜誌手民之誤「登錯」。記者：梁御和
陳先生去年9月委託中原元朗又新街分店，將蝶翠峰一個783平方呎單位放盤，簽署放盤紙時列明開價300萬元，代理曾致電向他查詢可否降低價錢，「我話如果有客落實畀支票要買，底價係285萬元」。代理之後將物業資料包括單位相片，放《置業家居》刊登作宣傳。
業主放蛇揭發事件
其後陳先生經另一間代理找到買家，雙方議價後口頭答應減價6%，以282萬元成交，並約定簽署臨約及落細訂日期。惟同一時間，《置業家居》刊登其單位的放盤叫價為280萬元，買家即時壓價。「佢拎本《置業家居》問我係唔係玩嘢，賣個單位畀佢要282萬，係中原放盤就叫價280萬，最後大家不歡而散」。
陳先生感奇怪，遂以買家身份致電中原問單位叫價，「代理話同業主傾過可以做280萬，我即刻同佢講我就係業主，佢當堂呆咗，我估佢想快啲做成生意，所以擅自壓低個價」。他不滿中原沒盡力維護買家利益，已向地產代理監管局投訴。
中原回覆本報表示，向《置業家居》提供的價錢乃陳先生提出的底價285萬元，但刊物手民之誤寫錯280萬元。中原又指，雙方議價情況受多樣因素影響，未必可以理想叫價成交，日後的市場變化也沒人能控制，認為錯不在該公司，拒絕賠償。惟《置業家居》回覆本報指，曾兩次向中原查詢該放盤叫價，確認為280萬元。