鴨脷洲邨發生強姦案，沙膽色魔深夜在公眾地方，將弱質女子強拖入已收檔的街市蹂躪，令人髮指，女坊眾驚聞邨內有色魔，人心惶惶紛紛繞路而行。有區議員形容色魔極為狼死，警方必須加派人手巡邏，「即使泊架警車當做紙板警察都好」。
區議員籲泊警車阻嚇
家住鴨脷洲邨的20餘歲姓余女街坊，得悉邨內街市發生強姦案後，大吃一驚說︰「成日都經過街市通道返屋企，聽到覺得好震驚，以後唔敢再行，夜晚會叫家人接送返屋企，或兜路改行人多嘅地方。」
姓蔡20餘歲會計女文員亦說︰「聽到消息好驚，以後自己出入會小心啲，留意可疑陌生男子，雖然自己好少夜返，以後都會叫爸爸接送返屋企！」
南區區議員柴文瀚直斥說︰「呢個色魔都好狼死！夠膽喺邨民出入必經之路犯案，直程離晒譜！」柴表示，案發街市大廈通道，常有街坊出入，晚間較靜，間中亦有屋邨保安巡邏，想不到竟變成強姦案地點。他指鴨脷洲邨近年甚少有色魔，只是間中有山賊偷竊，「今次發生強姦案，警方必須做多啲嘢，加派人手巡邏，即使泊架警車當做紙板警察都好」。《蘋果》記者