【本報訊】去年底的區議會選舉，多位政界星級參選人墮馬，但首度參選的新民黨田北辰卻在荃灣區撼低民主黨的地頭蟲，成功殺入區選。田北辰認定，肯做與敢言，是他的致勝關鍵。既已取得立法會「超級區議員」的入場券，他會以黨內民調，定出年底立法會出戰的去向。他又揚言，要將荃灣打造成為「新界西中環」，帶動天水圍、屯門以及元朗一帶的經濟發展。記者：許偉賢
空降荃灣愉景選區的田北辰，擊敗民主黨老將王銳德，成為今屆區選其中一個意外戰果。田北辰在愉景新城辦事處接受訪問時不諱言，外界對他參選一致不看好，就連他自己也沒有把握當選，結果卻以近200票力壓對手，「證明喺呢啲中產選區，搞旅行派嘢係唔掂；我係sellsolution（解決方案），唔係只係講完、示威一輪就算」。
大老闆紆尊降貴企街叫咪去直選，田北辰承認市民「有分加」，同時認定自己「夠膽講嘢」。他說：「有時講出民粹主義嘅危險」，成功吸納一班支持者，「因為好多人想『言論領導者』，幫沉默嘅大多數講出心聲」。新民黨也是賣點，田北辰笑指：「葉劉淑儀好得市民鍾意，都係因為佢果把口，加上佢又隨時見到官，市民都覺得佢好有影響力。」
議會新丁抱負巨大
雖然只是荃灣區議會「新丁」，田北辰的抱負卻極為「巨大」，任內目標之一是將荃灣打造成為「新界西中環」。他指，荃灣區近年發展迅速，多個大型樓盤及酒店相繼落成；若能鼓勵更多企業進駐荃灣，可以令荃灣成為新界西的經濟中心，「好似天水圍、屯門同元朗嘅居民搭車嚟呢度返工，唔駛去晒中環，交通費都慳好多」。他強調既然港島區有中環、九龍區有觀塘及九龍灣、新界區亦應該有經濟核心。他會與同為新民黨成員的該區委任區議員趙公梃，為荃灣區發展進行研究。
直言新民黨太後生
黨齡只有一年的新民黨，在區選掃走四個議席後，下一步會在立法會選舉搶灘。曾經表明「諗都無諗過」參選超級區議員的田北辰，面對黨內要求「去馬」壓力，也要重新思量。「葉太同好多黨都有叫我去選，因為得我有呢條鎖匙，連葉太都冇。」
最終是力爭超級議席，抑或循新界西直選？田北辰會交由民調定去向。新民黨稍後會找學者進行民調，「會問吓選民，你果第二票（即投選超級議員一票），會按自己心意揀候選人嘅個人風格，定係會睇投畀邊個黨？如果大部份人話投畀心儀政黨，坦白講，新民黨太後生喇」。田北辰暗示，若大多數選民第二票選黨不選人，爭超級議席極會極微。