【本報訊】「牛魔王」出沒注意！龍年到昂坪行大運，隨時有驚喜。寶蓮寺內近日出現以「牛魔王」為首的野牛一家四口，人見人愛，但野牛脾氣難以捉摸，衝撞成人撲倒小孩搶吃驚險場面時有發生，寺內保安員亦要充當趕牛郎，百般無奈。記者：譚志輝、劉漢權
「牛爸叫牛魔王，好鬼惡；牛媽叫牛女，比較內向；大仔最純叫牛仔，細仔出世幾個月叫牛B」。步進寶蓮寺正門牌坊，粟米香飄來，牛魔王一家四口就在一間小食店前徘徊，店員湯女士為記者逐一介紹。對她來說，牛魔王一家不但是每天相見的好友，更是財神。
數分鐘「消滅」10條粟米
「半年嚟牛仔每日四、五點就嚟，向遊客扭嘢食，遊客見佢咁可愛，都會同我買條粟米，自己食一半，剩一半餵佢……」話未說完，便有外籍女遊客向她買了一根粟米，自己也沒吃一口，整條餵給牛仔。牛仔一口把粟米搶咬過去，女遊客驚呼了一聲，圍觀的人相機快門聲響個不停，「就係咁啦，所以生意係多咗㗎，到五、六點佢爸爸牛魔王就帶住牛女牛B嚟搵佢，順便扭吓粟米食」。又有內地女遊客見人家餵得過癮，也買一根親身感受。
記者見遊客餵得過癮，也花數十元買粟米來親身一試。牛魔王與牛女、牛仔離遠見記者手上膠袋，便知有米飯班主，隨即一擁而上爭食，惟獨牛B安安樂樂，沒有家人敢與牠爭，盡情吞噬一條粟米。一家四口像吃蝦條般發出「索索」聲，連粟米芯吞進肚內，不消數分鐘便「消滅」10條粟米。
牛仔純情、牛B可愛，遊人都愛心爆發餵個不停，卻冷落了牛爸牛魔王。一名菲律賓男孩站在牛魔王旁啃咬粟米，伸出小手想摸牠一下，牛魔王卻突發難，竟把他整個撞倒想搶粟米獨吞，小孩嚇得叫不出聲來，父親想推開牛魔王，但敵不過野牛蠻力，只得用軟攻，把手上粟米拋到一旁引開牠的注意力，牛魔王回身搶吃，方化險為夷。「我怕得要死，牠好像想把我吃掉！」9歲男孩驚魂未定，剩下的粟米也沒心情再吃，直接拋在地上讓牛魔王吃掉。
保安員變牛郎鐵棒趕牛
這驚險一幕也引來寺內野狗群起而出，圍着牛魔王吠個不停，驚動寺內保安員走來了解一番。保安員熟手地在小食店旁拿起一根鐵棒，往地上猛敲，當起牛郎來，把牛魔王一家逐出牌坊外草坪。「牛魔王個名係我哋幫佢改㗎，佢成日衝入寺食我哋啲花，趕佢仲撞番你轉頭，對住佢唔惡啲都唔得」。
遊客心聲
