【本報訊】香港中文大學巿場學教授冼日明表示，賣樓時的叫價，通常是指業主心目中想賣出的理想價錢；底價則指遇上準買家議價時，業主可以商量嘅最低價錢。「將最低價錢當叫價咁登出嚟，係唔恰當」。
黃國桐律師則指，地產代理沒依據業主叫價指示行事，以及沒盡力保障業主利益，屬違反執業守則。地監局強調，代理為放盤作廣告宣傳時，須按照與業主簽訂的「地產代理協議」上所列之放盤價錢，違者可被撤銷牌照，該局現正調查上述個案。
叫價以放盤紙作根據
有地產業內人士指出，放盤資料無論放上網或地產舖外作廣告宣傳，叫價均以放盤紙作根據。「一般我哋出廣告都唔會登實單位樓層，會用中、高、低層代替，今次雜誌有晒相片登實人哋單位，但同放盤紙個叫價有出入，一定衰硬」。他又指：「出雜誌無非係想做招徠，所以有代理特登整低個價引人嚟問，好多大行嘅放盤紙都有列明細則，代理可將放盤單位資料作廣告用途，如果出事業主就只有向地監局投訴。」