陳靜（DaDa）每年新春都會穿紅色應節，今年更放盡，決定由內到外都穿紅色冲旺自己，她日前笑說：「其實我平時好少着紅色，但早前去台灣睇相，相士話我今年要着多啲紅色貼身衣物，所以我已準備咗好多紅色內衣褲，可以由初一着到初七冲旺佢。」
出書開畫展
DaDa透露新一年除繼續拍電影外，還計劃出書及開慈善畫展，她說：「之前為咗減壓去學畫畫，一直以為自己冇乜藝術細胞，點知越畫越好，有人讚賞，所以打算攞二十幅作品出嚟拍賣，將籌得嘅善款捐畀兩地一心機構，幫助小朋友興建學校。」而出書內容則是有關DaDa入行以來的心路歷程，她說：「家寫緊，多數係圍繞自己工作，仲會同大家分享美容心得，會加一啲插畫。」
採訪：林妃 攝影：陳俊強
場地提供：ALBA