究竟巴洛迪利（圖）係天使，定係魔鬼？全靠佢完場前嘅12碼，曼城上仗先至可以險勝熱刺3:2，可以話係贏波英雄；但另一方面，「腦殘」喺比賽入面惡意踩向對手柏加個頭，俾英足總秋後算帳，如果唔上訴嘅話，就要由今日英聯盃對利記開始停賽4場；若果上訴失敗，可能要停5場咁多。曼城方面暗示應會放棄上訴。